20·Marzo: Eclipse de sol

Imaxe collida da páxina web da Voz de Galicia.

O próximo venres 20 de marzo, o inverno despedirase ata o ano que vén e farao cunha incrible eclipse solar que promete ser un breve, pero bonito espectáculo.

Galicia, converteuse nun lugar privilexiado para poder presenciar o fenómeno astronómico, un acontecemento excepcional no que durante unha hora o sol quedará escurecido pola lúa. A eclipse, poderá seguirse dende calquera punto da xeografía galega pero dende Turgalicia, 8 puntos galegos foron escollidos como os sitios perfectos para non se perder o fantástico espectáculo.

Algún deles son sitios tan coñecidos, e representativos, como a Praza do Obradoiro en Santiago de Compostela ou como a Praza de María Pita, na Coruña. Son situacións que cunha luz atenuada, como a que se xera durante unha eclipse solar, se converten en lugares máxicos mais sempre con precaución. Para que o desfrute da eclipse de sol non se converta nun problema para a visión, diferentes asociacións poñerán a disposición, dos que se acheguen a estes puntos, os filtros homologados para gozar do fenómeno sen sustos.

O fenómeno durará sobre dúas horas, dende as 9:00 ata as 11:18, aínda que segundo os espertos, terá o seu mellor momento sobre as 10:09, cando o sol desapareza case por completo.

Persoalmente, é un asunto que me ten bastante emocionada. Coido que vai ser unha experiencia moi importante no mundo da astronomía e que quedará gravado en todos aqueles que decidan ir a desfrutalo.

Advertisement

A cervexa é boa para a saúde

Durante anos, os consumidores de viño deleitáronse sen culpa con esta bebida, xa que se demostrou cientificamente que o viño tinto pode axudar a protexer contra enfermidades do corazón. Investigacións recentes, mostran agora que a cervexa tamén pode ser boa para a saúde.

Aínda así, hai que recordar que a clave para aproveitar os beneficios da cervexa é a moderación xa que un consumo excesivo de alcohol pode danar o fígado, provocar algún tipo de cancro ou derivar en problemas cardíacos.

A cervexa contén altos niveis de silicio, que está vinculado á saúde dos ósos. Nun estudo realizado en 2009 na Universidade de Tufts, descubriuse que os homes e as mulleres que bebían unha ou dúas bebidas ao día, tiñan unha maior densidade ósea. Non obstante, o consumo de máis de dúas bebidas relacionouse cun maior risco de fracturas.

Ademais, aumenta o coñecido como “colesterol bo” que axuda a previr que as arteiras se taponen, diminuíndo o risco de ataques cardíacos e morte por enfermidade cardiovascular. E non so iso, tamén reduce o risco de cataratas, de pedras no ril e ademais é bo para a pel xa que algunhas das vitaminas presentes na cervexa, rexeneran a pel facéndoa máis lisa e flexible.

Así pois, deberíamos de deixar a un lado o famoso mito da “barriga cervexeira” e gozar desta bebida alcohólica, mais sempre con moderación porque o cerebro recupérase dunha borracheira, non de máis.

Hawking na gran pantalla

Para enlazar a avaliación anterior con esta, a miña primeira entrada tratará outra vez sobre Stephen Hawking máis dun xeito distinto.

O pasado 16 de Xaneiro, estreouse nos cines a película “La teoría del todo”, baseada no libro da súa ex-esposa que narra a vida académica e matrimonial de Stephen Hawking con Jane Wilde, a súa primeira muller. Esta, era a parella do astrofísico no momento no que lle descubriron a enfermidade. Por un lado, o filme fai fincapé no espírito de superación dunha persoa que loita,e vence, contra unha terrible enfermidade dexenerativa na que o seu principal apoio é a súa muller. Por outro, narra a convivencia destes dous protagonistas, nada doado; chea de dificultades e malentendidos porque Stephen Hawking, a pesar de todo, non sempre foi un santo.

Ao final do filme, a película trata o tema da revolución científica dun visionario da Física que nunca rematou de demostrar nada, e que cambiou en numerosas ocasións de opinión, pero sempre coa finalidade de explicalo todo, mesmo a Deus, a partir de ecuacións matemáticas.

A película, está nominada a mellor película, mellor actor, mellor actriz, mellor guión adaptado e mellor banda sonora e quizáis esto sexa unha das cousas máis destacables, xa que ambas interpretación foron soberbias.

Eddie Redmayne, que probablemente gañe o Oscar, transformouse nunha asombrosa copia do Stephen Hawking real. Ademais, só cos ollos e ca boca, realiza unha actuación das que fan época.

Na miña opinión, é unha película moi boa e entretida; apta para calquer público e moi fácil de ver e complacer o gusto do espectador, así como un exemplo de superación fronte aos problemas da vida.

Poden ser as máquinas máis intelixentes ca nós?

O físico teórico británico Stephen Hawking cre que o desenvolvemento da intelixencia artificial podería significar o fin da humanidade como dixo o pasado martes nunha entrevista ca BBC. Ademáis, o científico advierteu que esta tecnoloxía podería evolucionar rápidamente e superar á humanidade. “Os seres humanos, que están limitados pola lenta evolución biolóxica, non poderían competir e serían substituídos”, dixo Hawking.

No mesmo sentido se expresou en Financial Times asegurando que os seres humanos deberían empezar a establecer colonias noutros planetas para evitar unha “catástrofe tecnolóxica” provocada pola intelixencia artificial que, como ben dixo, “podería ser máis lista ca todos nós”.

Ademáis, como ben apunta Hawking, se a enxeñaría xenética aumentar a complexidade do ADN humano e “mellorara” a especie, o proceso sería lento e tardaría 18 anos antes de que os seres humanos percibisen algún beneficio. Pola contra, dacordo ca Lei de Moore, as computadoras duplican a súa velocidade e capacidade de memoria cada 18 meses. O perigo está en que os equipos desenvolvan intelixencia propia e tomen o relevo. Os seres humanos, que están limitados por unha evolución biolóxica lenta, non poderían competir e serían remplazados.

Iso non impide que Hawking, que está en cadeira de rodas e fala ca axuda dun sintetizador de voz, por culpa dunha enfermidade dexenerativa como é a esclerose lateral amiotrófica, sexa un entusiasta das modernas tecnoloxías da comunicación. Ademáis, o profesor probou, ese mesmo día, un novo programa desenvolvido por Intel, que incorpora un texto predictivo que lle permitirá escribir máis de maneira máis rápida.

Aínda que recibiu con satisfacción as melloras, o científico dixo que decidira non cambiar a súa voz robótica. “Converteuse na miña marca e non a cambiaría por unha voz máis natural cun acento británico”, dixo á BBC.

Así pois, Hawking segue a prol das novas tecnoloxías máis advirte do seu uso e do perigo que traen consigo co vaticinio da substitución da raza humana, que esperemos que non se cumpla.

Radiohead ou U2 son escoitados pola xente máis intelixente

Hai veces nas que os estudos científicos sacan resultados ofensivos, como aquel que se fixo en 2004 no que se aseguraba que nos lugares nos que máis se escoitaba a música country, máis suicidios se producían. O tema que vou tratar hoxe, non é tan radical pero ten algo en común, a música.

Segundo un traballo realizado por un programador de aplicacións chamado Virgil Griffith, os que escoitan cantantes como Beyoncé ou Jay Z, teñen bastantes menos habilidades intelectuais que os que escoitan artistas como Radiohead ou Sufjan Stevens. Para chegar a esta conclusión, Griffith analizou os gustos musicais dos estudantes de varias universidade segundo a media que teñen os seus alumnos na proba SAT. Por exemplo, en Harvard, universidade á que só acceden os alumnos máis aplicados (e máis ricos), ten unha media de 1.484 neste exame (a puntuación máis alta é 1520). Pola contra, a que peores alumnos acolle é o centro Paul Quinn, cunha media de 665.

Despois, iniciou unha investigación en Facebook sobre os gustos musicais dos que asisten a cada unha destas universidades. Segundo explica na súa páxina web, analizou 1.352 centros de ensino e máis tarde, realizou unha táboa na que os números da parte de arriba son a media no SAT e, podemos ver que o músico favorito dos máis cerebritos é Beethoven, seguido polo cantautor indie Sufjan Stevens e grupos como Radiohead ou U2.

Na parte media sitúanse bandas como Rage Against the Machine, Grateful Dead ou Queen e, se imos baixando, os menos hábiles adoran o reguetón, Beyoncé, Jay Z ou rapeiros como Nas. Un pouco máis listos, pero bastante lonxe da media, están os emos, que escoitan grupos como My Chemical Romance, AFI ou The Used.

Este é un estudo interesante aínda que a súa metodoloxía é cuestionable dende o punto de partida. Aínda así, seguro que vai traer bastante cola.

Os nenos que len Harry Potter son máis empáticos

Un novo estudo da Universidade de Módena e Reggio Emilia, en Italia, asegura que Hogwarts e todo o universo fantástico creado por Rowling axuda aos nenos a ser máis empáticos. Todo está no título da investigación: “A mellor maxia de Harry Potter: Reducir os prexuízos”.

Este estudo di que os libros de Harry Potter van moito máis alá dos dragóns e as variñas. Temos por exemplo os ‘muggles‘, as criaturas non máxicas; os “sangre sucia”, magos nacidos de ‘muggles‘ como Hermione, a mellor amiga de Harry, e logo está Voldemort que pensa que o poder só deberían ostentalo aqueles con pureza de sangue. Por iso, a investigadora Loris Vezzali, deulles a 34 estudantes un cuestionario onde estes expresaron os seus sentimentos sobre a inmigración.

Entre os experimentos realizados, Vezzali ofreceu aos alumnos a lectura dunha das pasaxes de Harry Potter no que Draco Malfoy, un “sangue limpa”, insulta a Hermione por ser unha “sangue sucia” ou, o que é o mesmo, unha bruxa nacida de ‘muggles‘. Unha semana despois os resultados foron moi favorables xa que a actitude dos estudantes cara aos inmigrantes mellorara.

Boiro nos Ouff Escola

Co gallo das Letras Galegas 2014, dende o Club do Antifás, fixemos un vídeo-parodia de Un príncipe para Laura no que cambiamos aos concursantes do programa, por unha versión máis galega, adaptando o programa a Díaz Castro.

O resultado foi Un príncipe para Zubizarreta, programa no que Díaz Castro pretendía á súa muller, María Zubizarreta, pero atopándose con adversarios tan potentes coma Manuel e Antonio, ou intentando convencer ao asesor da princesa, Eduardo Blanco Amor.

Ao parecer, este foi un vídeo que gustou entre o xurado dos Ouff (Festival internacional de cine) e que está nominado ao premio na categoría escolar da gala do 19 de novembro.

Europa na semana da ciencia

Con novembro á volta da esquina, o científicos europeos prepáranse para celebrar a semana da ciencia. O programa de este ano inclúe máis de dez días repletos de actividades para todas as idades e gustos.

Aquí, en España, todas as comunidades autónomas teñen plantexado unha serie de actividades que están saíndo nos medios de comunicación. Cada comunidade autónoma ten o seu programa e aquí en Galicia, tamén se vai celebrar a semana da ciencia, mais unicamente na Universidade de Vigo e no MUNCYT da Coruña.

Na miña opinión, está ben que actividades deste tipo teñan lugar nas grandes cidades, pero tamén creo que deberían achegarse aos pobos mediante as escolas e institutos, dando lugar a maior coñecemento e participación nestas e fomentando o interese pola ciencia, cumprindo así,  un dos obxectivos de esta semana temática.

Star Wars na realidade

Dende que en Star Wars se creou o planeta Tatoonie, son moitas as dúbidas que xorden sobre si un planeta pode ter dous soles. Así pois, investigando en profundidade, no setembro do 2011 anunciouse a existencia de Kepler 16-b.

Kepler 16-b, é un exoplaneta situado a 200 anos luz da terra, e que orbita ao redor de dúas estrelas. Dende aquela non pararon de buscar e algún tempo despois, a mesma sonda que detectou a Kepler 16-b, atopou outros dous novos planetas que orbitan, cada un, o seu propio sistema binario de estrelas: Kepler-34b, a 4.900 anos luz, e Kepler-35b, a 5.400 anos luz.

Os investigadores cren que poden existir moitos máis planetas coma estes, incluso millóns deles, e coidan que tamén poidan ser habitables. Quen sabe se nalgún deles habitou Luke Skywalker de verdade?